Молитвы о умножении любви и искоренении ненависти и всякой злобы

опубликовано: Катерина, Дата: Вторник 26 марта 2019 - 08:00:09

Молитвы о умножении любви и искоренении ненависти и всякой злобы

Тропарь, глас 4

Союзом любве апостолы Твоя связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, едине Человеколюбче.

Кондак, глас 5

Пламенем любве распали к Тебе сердца наша, Христе Боже, да тою разжизаеми, сердцем, мыслию же и душею, и всею крепостию нашею возлюбим Тя, и искренняго своего яко себе, и повеления Твоя храняше славим Тя, всех благ Дателя.

Святому апостолу и евангелисту Иоанну Богослову

О, великий апостоле, евангелисте громогласный, Богослове изящнейший, тайноведче непостижимых откровений, девственниче и возлюбленнейший наперсниче Христов Иоанне, приими со свойственным тебе милосердием нас, грешных (имена), прибегающих под твое сильное заступление и покровительство! Испроси Всещедраго Человеколюбца Христа и Бога нашего, Иже пред очесы твоими излиял еси кровь Свою дражайшую за нас, непотребных рабов Своих, да не помянет беззаконий наших, но да помилует нас, и да сотворит с нами по милости Своей; да дарует нам здравие душевное и телесное, всякое благоденствие и изобилие, научая нас обращати вся оная в славу Его, Творца, Спасителя и Бога нашего. По кончине же временныя жизни нашея да избегнем мы, святый апостоле, немилосердных истязаний, на воздушных мытарствах нас ожидающих, но да достигнем под твоим руководством и покровительством Горняго онаго Иерусалима, егоже славу во откровении ты зрел еси, а ныне наслаждаешися оныя радости, обещанныя избранным Божиим. О, великий Иоанне, сохрани вся грады и страны христианская, весь сию, храм сей, посвященный святому твоему имени, служащих и молящихся в нем, от глада, губительства, труса и потопа, огня, меча, нашествия иноплеменных и междоусобныя брани, избави от всякия беды и напасти, и молитвами твоими отврати от нас праведный гнев Божий, и испроси нам Его милосердие; О, великий и непостижимый Боже, Альфо и Омего, источниче и предмете нашея веры! Се на умоление Тебе предлагаем святаго Иоанна, егоже Ты сподобил еси познати Тебе, неисповедимаго Бога, в неизреченном откровении. Приими его о нас ходатайство даруй нам исполнение прошений наших, во славу Твою: а паче всего соверши нас духовным совершенством, к наслаждению жизни нескончаемыя в Небесных Твоих обителех. О, Небесный Отче, создавый вся Владыко, Душе духов, Всесильный Царю! Коснися перстом Твоим сердец наших, да и они, растаявше, яко воск, пролиются пред Тобою, и бренная тварь духовна сотворится, в честь и славу Отца и Сына и Святаго Духа. Аминь.

Преподобному Серафиму Саровскому

О, пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощь и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя; се бо по всем концем земли нашея людем Божиим являешися и даруеши им исцеления. Темже и мы вопием ти: о, претихий и кроткий угодниче Божий, дерзновенный к Нему молитвенниче, николиже призывающих тя отреваяй! Вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.

Преподобному Силуану Афонскому

О предивный угодниче Божий, отче Силуане! По благодати, тебе от Бога данной, слезно молитися о всей вселенней — мертвых, живых и грядущих — не премолчи за нас ко Господу, к тебе усердно припадающих и твоего предстательства умильно просящих (имена). Подвигни, о всеблаженне, на молитву Усердную Заступницу рода христианского, Преблагословенную Богородицу и Приснодеву Марию, чудно призвавшую тя быти верным делателем в Ея земном вертограде, идеже избранницы Божии о гресех наших милостива и долготерпелива быти Бога умоляют, во еже не помянута неправд и беззаконий наших, но по неизреченной благости Господа нашего Иисуса Христа ущедрити и спасти нас по велицей Его милости. Ей, угодниче Божий, с Преблагословенною Владычицею мира — Святейшею Игумениею Афона и святыми подвижниками Ея земнаго жребия испроси у святых святейшего Слова святей горе Афонской и боголюбивым пустынножителем ея от всех бед и наветов вражиих в мире сохранитися. Да Ангелы святыми от зол избавляеми и Духом Святым в вере и братолюбии укрепляеми, до скончания века о Единей, Святей, Соборней и Апостольстей Церкви молитвы творят и всем спасительный путь указуют, да Церковь Земная и Небесная непрестанно славословит Творца и Отца Светов, просвещающи и освещающи мир в вечной правде и благости Божией. Народом земли всей испроси благоденственное и мирное житие, дух смиренномудрия и братолюбия, добронравия и спасения, дух страха Божия. Да не злоба и беззаконие ожесточают сердца людския, могущие истребите любовь Божию в человецех и низвергнуть их в богопротивную вражду и братоубийство, но в силе Божественныя любве и правды, якоже на небеси и на земли да святится имя Божие, да будет воля Его святая в человецех, и да воцарится мир и Царствие Божие на земли. Такожде и земному Отечеству твоему — земли Российстей испроси, угодниче Божий, вожделенный мир и небесное благословение, во еже всемощным омофором Матере Божия покрываему, избавитися ему от глада, губительства, труса, огня, меча, нашествия иноплеменников и междоусобныя брани и от всех враг видимых и невидимых, и тако святейшим домом Преблагословенныя Богородицы до скончания века ему пребыти, Креста Животворящаго силою, и в любви Божией неоскудеваему утвердитися. Нам же всем, во тьму грехов погружаемым и покаяния тепла, ниже страха Божия не имущим и сице безмерно любящаго нас Господа непрестанно оскорбляющим, испроси, о всеблаженне, у Всещедраго Бога нашего, да Своею Всесильною благодатию божественне посетит и оживотворит души наша, и всяку злобу и гордость житейскую, уныние и нерадение в сердцах наших да упразднит. Еще молимся, о еже и нам, благодатию Всесвятаго Духа укрепляемым и любовию Божию согреваемым, в человеколюбии и братолюбии, смиренномудренном сраспинании друг за друга и за всех, в правде Божией утвердитися и в благодатной любви Божией благонравно укрепитися, и сынолюбне Тому приближитися. Да тако, творяще Его всясвятую волю, во всяком благочестии и чистоте временнаго жития путь непостыдно прейдем и со всеми святыми Небеснаго Царствия и Его Агнчаго брака сподобимся. Ему же от всех земных и небесных да будет слава, честь и поклонение, со Безначальным Его Отцем, Пресвятым и Благим и Животворящим Его Духом, ныне и присно и во веки веков. Аминь.

COMMENTLINK0

Последние комментарии

[новости] Детская рождественская молитва.
Posted by Мария on 18 ноя : 23:33
Действител ьно хорошая.То лько слёзы почему-то на [далее ...]

[новости] Детская рождественская молитва.
Posted by Лёка on 05 янв : 22:06
Какая замечатель ная молитва!

[новости] Появились над вертепом ангелы.
Posted by Катерина on 04 дек : 05:27
Нужно просто правой кнопкой мыши 2-ды щелкнуть и в [далее ...]

[новости] Появились над вертепом ангелы.
Posted by Anjana on 03 дек : 11:19
Как можно скачать нотки?

[новости] Постное печенье "Надежда".
Posted by Виктория on 21 апр : 13:45
Катя, спасибо большое за рецепт! Всем очень понрав [далее ...]

[новости] Постное печенье "Надежда".
Posted by Катерина on 03 апр : 16:10
Да. Но в следующий раз не буду. Сахар образовал ка [далее ...]

[новости] Постное печенье "Надежда".
Posted by наташаП on 03 апр : 14:11
Катя, ты на противень бумагу выстилала?

[новости] Какой может быть воскресная школа сегодня. Дети 4-6 лет. Сурова Л.В.
Posted by Лёка on 21 мар : 19:36
Хорошая статья, спасибо.

[новости] Печенье " Орех" - для металлических формочек.
Posted by наташаП on 24 фев : 20:51
Собралась печь орешки, а рецепт потеряла и не могу [далее ...]

[новости] "Жены-мироносицы". Протоиерей Николай Агафонов. Продолжение.
Posted by наташаП on 16 фев : 16:49
Читала. Очень понравилас ь.

Тематические разделы

советы беременным, детские стихи, детский психолог, детская кухня, детские игры, православные праздники, права ребенка, православное воспитание, поделки своими руками, детская проза, советы беременным, православие детям, молитва детей, педагогика психология

Последние сообщения форума

Posted by Катерина
Хотелось бы поставить лайк, ан нет...Возв ращаемся к функции письма на бумаге! Спасибо, Галюсик мой! Когда будет желание, рассказыва й как ты...Где жи[далее ...]
28 фев : 22:37

Posted by Galya
Катюша молодец
28 фев : 22:32

Posted by Катерина
Да, я иногда сожалею о карьере и том, что могла бы сделать, если бы ума больше было. Не сидеть просто так 10 лет дома, без стажа и выплат.. Но здравый[далее ...]
28 фев : 22:29

Posted by Galya
С твоей активность ю Я не удивлена, что ты замдиректо ра))))) Гриша то, кажется, только недавно родился и мы все радовались . А вон уже парень какой
28 фев : 22:15

Posted by Катерина
И не могу не поделиться фоткой своего выпускного в прошлом мае..Сейча с у меня другие обязанност и. Школа на 2700 человек, я зам директора и класса бо[далее ...]
28 фев : 21:50

Posted by Катерина
Да, ты все правильно угадала...
28 фев : 21:42

Posted by Катерина
Гриша и животина в доме...
28 фев : 21:41

Posted by Galya
Очень рада видеть тебя, Катюш, да ещё на фоне такой красоты! А в розовой юбке это Надя?Аня взрослая барышня, красотка.
28 фев : 21:39

Posted by Катерина
А это Аня (в голубом платочке) со своей подругой, моей ученицей.. . Очень многие стали дорогими за эти годы и приходят в храм ( хоть изредка) или учас[далее ...]
28 фев : 21:30

Posted by Катерина
Это я в этом году.. как обычно ...любимый СЕЛИГЕР и преподобны й Нил Столобенск ий (и Анна Кашинская) и еще много кого...Буд у себя сподвигать и выкла[далее ...]
28 фев : 21:26